U vrijeme kada je Tool bio redovan na MTV-u, bili su poznati po tome što se nikada nijesu pojavljivli u svojim spotovima. Umjesto toga, Toolovi videi, koje je obično režirao gitarista Adam Jones, bili su apstraktne noćne more, otkačene animacije izgrađene na beznađu i tjelesnom užasu.
Do nedavno, Tool nije snimio video od svog komada za “Vicarious” iz 2007. Evo ih sada sa novim, i to prilično dugim video radom. Ekranizovali su staru, kultnu stvar “Opiate” koja nikada ranije nije bila ukrašena spotom.
Novi video “Opiate” dug je 10 minuta i uključen je u deluxe reizdanje Toolovog debitantskog istoimenog EP-a na kom se nalazila. Tool je podijelio trominutni isječak preko kojeg ćete imati uvid u ono što su napravili za ovu numeru. Adam Jones je režirao spot sa CGI umjetnikom Dominicom Hailstoneom, koji je prethodno snimio spotove za bendove kao što su Mogwai i Isis. Jones i Hailstone takođe su napravili pozadine koje Tool koristi na svojoj trenutnoj turneji. U isječku videa vidimo neformiranu masu mesa kako pokušava evoluirati u funkcionalno tijelo.