Redd Hot Chili Peppers su preko Chad Smitha, koji u poslednje vrijeme dođe nešto kao glasnogovornik benda, najavili planove za snimanje svog novog materijala u julu ove godine. Njihov 10. studijski album još nema radni naziv, ali se zato zna da će ga producirati Rick Rubin. “Imamo dosta materijala, vjerovatno 20 pjesama. Preprodukcija će trajati par mjeseci, ali rekao bih da ćemo u julu snimati konačne verzije”. Ovo će biti prvi album kalifornijske četvorke sa novim gitaristom Josh Klinghofferom, koji je prošle godine na tom mjestu zamijenio John Frusciantea. “Bili smo tužni što je John otišao, ali je on morao da uradi šta želi i slijedi svoj put. Josh je prava stvaralačka snaga. Sviraće gitaru, pisaće muziku, pjevaće i sviraće klavijature. Svi smo oduševljeni što je u bendu” – rekao je Smith.
Novi Peppersi u julu
