Bob Dylan je nedavno za The Rolling Stone pričao o svom predstojećem albumu Tempest. Između ostalog govorio je o Titaniku i Leonardu di Kapriu koje pominje u naslovnoj numeri, dugoj 13 minuta, inspirisanoj sudbinom Titanica. “Da, Leo. Mislim da pjesma ne bi bila ista bez njega”, rekao je Dylan, ne objašnjavajući da li je ozbiljan ili se šali. Umjesto toga, slavni muzičar je bio raspoložen da pojasni proces pisanja pjesama: “Ljudi imaju običaj da kažu “Ovo nije istina”. Ali pisca pjesama ne treba da brine šta je istinito. On se zanima za ono što se moglo dogoditi ili šta je trebalo da se desi. To je neka drugačija istina. To je kao kod ljudi koji čitaju Šekspira, a ne idu da gledaju njegove komade. Mislim da samo koriste njegovo ime.” O Tempestu je do sada još poznato da će na njemu svirati David Hidalgo iz grupe Los Lobos.
Dylan o Titaniku i Di Capriu
