Crnogorski synth-pop bend Sijenke nastavlja sa koncertni aktivnostima. Ovoga puta, kako su najavili odradiće “obalsku turneju”. U sklopu junskih lajv nastupa, ovaj kvintet će posjetiti Crnu Goru, na kratko svratiti do kontinentalnog dijela i obići BiH, da bi se opet vratili u Hrvatsku.
Na put će krenuti iz Herceg Novog gdje će u Đir pubu nastupiti 18. juna, naredna dva dana posjetiće kotorski Evergreen i KC Ušće u Ulcinju.
Nakon crnogorskog dijela turneje posjetiće Hrvatsku i Surf fest na Krku 25. juna. Dan kasnije su u mostarskom Pavarotiju, a 27. juna na Korčuli u VHF baru.